{کیا عورت فرض نماز کیلئے اقامت کہہ سکتی ہے؟}
السلام علیکم ورحمۃ اللہ وبرکا تہ
مسئلہ:۔کیا فرماتے ہیں علمائے کرام اس مسئلہ میں کہ کیا عورت فرض نماز کیلئے اقامت تکبیر کہ سکتی ہے؟بینوا توجروا
المستفتی:۔محمد اطیع اللہ نظامی ساکن پرسا قطب ضلع بستی
بسم اللہ الرحمن الرحیم
الجـــــــــــــــــــــــــواب بعون الملک الوہاب
عورت اقامت نہیں کہہ سکتی جیسا کہ حضور صدرالشریعہ فقیہ اعظم اسلام حکیم ابوالعلاء محمد امجد علی علیہ الرحمتہ والرضوان تحریر فرماتے ہیں کہ عورتیں اپنی نماز ادا پڑھتی ہوں یا قضاء اس میں اذان واقامت مکروہ ہے اگرچہ جماعت سے پڑھیں کہ ان کی جماعت خود مکروہ ہے۔(بہار شریعت حصہ اول باب الاذان)واللہ اعلم بالصواب
ازقلم
فقیر تاج محمد قادری واحدی
